राष्ट्रिय स्वतन्त्र पार्टीले माफी मागेको छ।

राष्ट्रिय स्वतन्त्र पार्टी कास्की जिल्ला अध्यक्ष यदुनाथ अधिकारीले शुक्रबार बिहानै विज्ञप्ति निकालेर आम नागरिक, सुरक्षाकर्मी, नेपाल प्रहरी र उद्ममी व्यवसायीसामु माफी मागेका छन् । विज्ञप्तिमा भनिएको छ।  ढिलै भए पनि सत्यको जित भएको छ । हाम्रो पार्टी सभापति एवं पूर्व गृहमन्त्री माननीय रवि लामिछाने ज्यू मिति २०८१ कार्तिक २ गतेबाट विगत ८४ दिन देखी विना कसूर सहकारी ठगी, सङ्गठित अपराध र सम्पत्ति शुद्धीकरण अभियोगमा जिल्ला प्रहरी कार्यालय कास्कीको हिरासतमा रहनुभएको थियो । सम्मानित कास्की जिल्ला अदालतले उहाँलाई ६५ लाख धरौटीमा रिहाई गर्ने आदेश दिएको छ । सम्मानित कास्की जिल्ला अदालतको यो आदेशप्रति हामी हार्दिक आभार, कृतज्ञता सहित उच्च सम्मान व्यक्त गर्दछौँ । ढिलै भएपनि आखिर सत्यको जित, न्यायको जित भएको छ । उहाँको रिहाईका लागी, न्यायका निम्ती आजका दिन सम्म विभिन्न मध्यमबाट आफ्नो ज्यानको समेत प्रवाह नगरीकन आन्दोलित पार्टीका सम्पूर्ण साथीहरू, शुभचिन्तक समर्थक, न्यायप्रेमी जनसमुदाय र पत्रकार मित्रहरू प्रति धन्यवाद सहित हार्दिक आभार, कृतज्ञता प्रकट गर्दछौँ । साथै आन्दोलन, धर्ना विधानसभाको क्रममा आम नागरिक, सुरक्षाकर्मी, नेपाल प्रहरी र उद्ममी व्यवसायीलाई पर्न गएको असुविधा प्रति पार्टीको तर्फबाट क्षमा याचना गर्दछौँ । धन्यबाद, जयदेश, जयघण्टी ।